26 Novema 2024 Ua tuu atu ile vaiaso lona lua o le masina fou o Tesema, 9th, le faamasinoga ile va o le faipule o Sagaga muamua ma ona tauaiga i le afioaga o Faleula.
Na molia ai e leoleo le afioga ile faipule, Loau Keneti Sio, i le faaoolima, afua mai ise feeseeseaiga ma ona tauaiga ise taimi ua faitau masina talu ona tupu.
Peita’i ina ua toe valaau ai lea mataupu ile amataga o le vaiaso, ma iloa ane ai e mana’omia se taimi e faama’ea ai faamaumauga a le itu a leoleo.
Ole feeseeseaiga lea e le gata ina sulufai atu le aiga o Pese Uele o Faleula i leoleo,
Ae na faaulu foi le faasea a le afioga ile faipule ma lona aiga, faasaga i lo latou tauaiga na latou feeseesea’i.
O le feeseeseaiga lena na faitetele ma mulimuli ane ai susunu e tagata meatotino a le aiga o Pese Uele.
O le masina fou, aso iva Tesema e toe valaau ai le mataupu lea.
