Toe tolo le mataupu a Sooau Vaa ma Maylynn Brown

SHARE NOW

Ua faataatia ese ai e le faamasino, ole faamasinoga faaitumalo, Loau Donald Kerslake, le mataupu faasaga ile ulugalii, o Sooau Vaa ma Maylynn Brown, mo se taimi.

A’o taofia ia matua i lalo ole vaaiga a leoleo, ina ua la le usitaia tuutuuga o le tatala o la’ua i tua, pei o le taofia ona toe faia oni a la faasalalauga i luga o le FB.

O matua nei, na faavaea le polokalame lauiloa i luga o le fb, “E tu manu a le tu logologo”
Peita’i o iina na fanau mai ai moliaga e silia ile 200 a leoleo e sootaga i le faalumaluma faasaga i tagata faigaluega ile ofisa o leoleo.

Ole tina ia Maylynn Brown, sa avea ai ma leoleo ile Matagaluega o leoleo.

O le tina tonu lava lea na ia molia le sa avea ma Komesina lagolago o le Matagaluega o leoleo, ile fia tausaga talu ai, e oo mai nei, e le’i lauina lava se taunuuga o lena tagi.

Peita’i  o faasalalauga a ia matua sa faaalu i luga o le la Polokalame , E Tu Manu ae le tu Logologo, sa sootaga foi i suesuega o faia faasaga ile maliu lilo ole tama aoga ole NUS, Iunivesite Aoao a Samoa.

Ma ua faaaoga ai e leoleo se loia mai tua, e finauina lea mataupu mo latou.

O na faamaumauga, ele’i oo atu ile faamasino, ua afua ia le faataatia ese o le mataupu mose taimi