E lata i le $40afe tala le tupe ua faamaonia e le Kapeneta mole alii leoleo o Lefiu Aina Fono. I le faamalolo faasolitulafono ai o ia mai le Matagaluega o leoleo ma falepuipui ile 2019.
O le tupe lea o le totogi o lea alii leoleo mai taimi na faamalolo ai, pei ona faamaonia mai e le alii Komesina ole matagaluega, leoleo, Auapaau Logoitino ina ua fesiligia e le Leitio POlenisia.
Na saunoa ai Auapaau, e $38afe tala le tupe o le totogi e le’i maua o Lefiu, ma ua toe foi atu e faigaluega.
Ae sa molia i le fasioti tagata pa’ivalea, ile masina o Aukuso 2019, ae tausaga mulimuli ane, toe ave i tua moliaga faasaga ile alii leoleo , talu e leai ni molimau e faamaonia ai moliaga.
Ma ia faila ai le tagi faasaga i le matagaluega o leoleo lea na faamaonia e le Kapeneta i le masina talu ai.
O moliaga o Lefiu, e sootaga i masaloga o le maliu o le tamaloa i Faleasiu, lima masina talu ona uma na molia lesi foi tagata na masalomia mai le nuu lava lea.
