Ua tuu avanoa ai le palemene i ana komiti faapalemene, ma avatu iai taimi faaopopo, talu e le’i mae’a galuega a le tele o komiti na talosaga ai ile fono o ananafi.
E aofia ai le komiti o Tulafono tumau, Palota ma faiga faalefaavae, lipoti faaletausaga a le ofisa loia sili, 2021-2022, lipoti faaletausaga ale Komisi o faigapalota, 2021-2022, lipoti o le faigapalota laititi a Vaimauga 2023, lipoti faaletausaga ale ofisa tausi mavaega, 2021-2022.
Ua avatu foi le avanoa ile komiti o tupe maua ma tupe totogi, Faleomavaega Titimaea Tafua, ole mafuaaga lava e tasi, e lei uma galuega a le komiti, lipoti faaletausaga o le 2020-2021.
Na tatalo foi le taitaifono le Komiti o vaega tau ile tamaoaiga, Niuava Eti Malolo, e lei uma latou galuega 2023-2024, ae ole lipoti faaletausaga ale matagaluega tiute, 2021-2022 e mana’omia foi se taimi e faauma,
E le’i uma foi galuega a le vaega o komiti o atinae eseese, pei ona talosaga ai le taitaifono, susuga a Fepuleai, elei maea 2022-2023, ae ole tulaga foi lena i le matagaluega o fesootaiga ma faamatalaga faatekonolosi, 2021-2022 e lei uma foi na galuega, ma faamaonia ai e le palemene o ananafi le avanoa e faamae’a ai galuega tuua a ana komiti.
