Lua masina talu ona tofia e le pulega o tulisi a Samoa le kamupani a le Travel Focus in Hong Kong e nate maketi ma faalauiloa Samoa mo tagata fia tafafao mai ai, i Hong kong, Macau ma Saina, ae amata loa ana malaga tuusa’o.
Faato’a lua ana malaga togipau tuusa’o, ae toe taofia ae suia i malaga faatulaga ina e mauavanoa iai le tele o tulisi nai lo le togi pau.
Ole kamupani foi lea Travel Focus na faapaaga ma le Samoa Airways, i nai tausaga ua tuanai. Ma ua galulue valalata ai nei ma Ofisa Malaga i taulaga esese i totonu o Saina e una’i ai tafaoga mai i Samoa.
Ma ofo atu iai , le malaga sa’oloto mai e leai ni visa i Samoa, tagata mai Hong Kong ma le main land o Saina. I lipoti mai Saina, ile TTG Asia, o talanoa ai le Minisita o Tulisi Toesulusulu Cedric Schuster, ile aapa atu ai lea o Samoa i le maketi o Tulisi Saina, ina ua tatala ai ona tuaoi faavaomalo. Ma e le’o tele ni tulisi latou te iloa Samoa, ua afua ai le fapaaga ma le Travel Focus ona o le tele o lana ia foi maketi. Ae a maua aumalaga mai Saina, o le a fesoaosani tele foi ile tamaoaiga o Samoa, e ese mai ia Niusila ma Ausetalia, lea o loo tele mai ai tulisi i Samoa. O taua ai foi e Luamanuvae Albert, Mariner, le amupasa o Samoa i Saina, i le lipoti lea, e tele atunuu ole lalolagi o loo latou tulimataia uma le maketi lea o tulisi mai Saina.
O loo ia taua ai, o tulisi Saina e iai lava mataaga faapitoa e fiafia latou iai, e ui ina iai sootaga o Saina ma Samoa mai tausaga ua mavae, ae fia vaai lava aua ose atunuu e fou ile faalogo, e lei oo muamua iai.
I faamaumauga o tulisi ile tatou atunuu, o le numera siitai lava na iai ile 2018, 180afe, ae na’o le 9afe o na tagata na malaga mai Asia.
O le fuafuaga lea mo vaalele tuusa’o mai Saina mo le masina Me 2023, lea lava na faataunuu, e le Hainan Airlines, ma ua toe taofia ai nei, pei ona lipotia mo lesi lua masina e toe fetuunai ai le faia o malaga fua taimi e avanoa ai le vaalele i isi tagata malaga nai lo malaga togipau, pei ona iai ana malaga e lua, na sau ai ma uta e silia ile tai 200 tulisi, peitai ua toe foi tulisi mulimuli ile faaiuga o le vaiaso na te’a nei, lea na molimauina le toe sau o le vaalele e avatu.
O tulisi na e ana pasi lea sa lua itula o faatali iai le vaa mulimuli mai Savaii . ma faatoese ai le Minisita o Uafu ma Malaevaalele i lena lape ole latou auaunaga. Taimi nei o loo mafai lava ona ui mai tulisi mai Asia, i Niusila poo Ausetalia.
