Ua fa’amaonia e le Kapeneta, e tusa ma le fautuaga a le Komiti sa nafa ma le iloiloina o lenei avanoa, le tofia o le susuga iā Tafesilafa’i Ipiniu Filipo e avea ma Pule Sili o le Auaunaga o Va’a a Samoa (Samoa Shipping Services).
O le afioga iā Tafesilafa’i, o lo’o galue nei mo le Auaunaga o Va’a a Samoa i lona tofiga o le Ofisa Sili Lagolago mo le Vaega o Auaunaga Lautele talu mai le 2019.
Na galue o ia o se Ofisa Sili Lagolago o Pulega mo le Ofisa o le Pule Fa’atonu mo le 5 tausaga, ma ua fa’amauina ai e silia ma le 10 tausaga o lana tautua i totonu o le Mālō.
O Tafesilafa’i ua ia suia le afioga iā Lautimuia Afoa Uelese Va’ai sa ia tau’avea lea tofiga a’o le’i tofia e avea ma Faipule mo lona Itumālō Palota o Vaimauga #3.
O lo’o ia umia fa’ailoga tauāloa o le Tikerī o le Tōfā Manino mai i le Iunivesite o le Pasefika i Saute. E mai le afio’aga o Falefā.
