Tofia Lemalu ma Ofisa Sili o Pulesa ole SNPF

SHARE NOW

Ua tofia ai nei le afioga ia Lemalu Selesitina Puleaga Meni- Reti e avea ma Ofisa Sili o Pulega o le Faalapotopotoga o Faaputugatupe mo le lumanai manuia o tagata Samoa (SNPF).

Ina ua faamaonia e le Kapeneta e tusa ma le fautuaga a le Komiti sa nafa ma le iloiloina o lenei avanoa.

I se pepa o faamatagala o loo faailoa mai  ai e toa lima na faatalanoaina mo lenei avanoa ma ua faia ai le faaiuga a le Kapeneta e avea Lemalu ma Ofisa Sili.

Ma ua sui tulaga i le afioga iā Pauli Prince Suhren sa ia tau’avea lenei tofiga mo le 6 tausaga.

O le afioga iā Lemalu sa faigaluega i le Matāgaluega o Tupe, o le Fa’alapotopotoga o le Malosi’aga Tau ‘Eletise ma isi Fa’alapotopotoga Fa’aleItulaga.

Na avea ma Sui Pule Sili o Tupe ma Auaunaga a le S.N.P.F. e fa’apea fo’i i le tofiga Ofisa Sili Lagolago mo le vaega o Tupe a le S.N.P.F. i le silia ma le 6 tausaga.

Ua telē sona silafia ma ona tomai sa maua mai a’o galue ai i le Ofisa Fa’a – Failautusi o Afio’aga o le Pasefika (S.P.C.) ma le Fa’alapotopotoga o Si’osi’omaga o le Pasefika (S.P.R.E.P.).  

O lo’o ia umia Faailoga Tauāloa o le (M.B.A.) mo le Tōfā Manino mai le Iunivesite o le Pasefika i Saute, fa’atasi ai ma le Iunivesite of Massey i Niu Sila.  

O Lemalu o se tamāli’i e fa’asino i le afio’aga o Safa’ato’a, Lefaga.