Ua tofia ai nei le Susuga a Nonu Lemauga Saleimoa Vaai, e avea ma Taitaifono ole Komisi o Tagata Faigaluega a le malo.
Ole tofiga lea na tauavea mai e le Susuga lauano Vaosa Epa.
Ae tofia le afioga ia Gatoloai Tilianamua Afamasaga ma le afioga ia Fonoti Perelini o Sui o le Komisi. O nei tofiga e ta’i tolu (3) tausaga ma toe iloilo pei ona saunoa le afioga i le Palemia, Fiame Naomi Mataafa.
“Ua faamautu tofiga mo le Taitaifono ma Sui o le Komisi o Galuega a le Malo e tusa ai ma le Vaega 7 (84) ma le (85) o le Faavae o le Malo Tutoatasi o Samoa.
O nisi nei o tofiga maualuluga ma tāua a le tatou Malo, aua le faafoeina lelei o galuega a le Malo, e tauala atu i le Komisi o Galuega a le Malo.
O le faatulagaga o Sui o le Komisi, e toatolu (3), e aofia ai le Taitaifono, ma Sui o le Komisi e toalua.”
Oi la’ua ua tofia, pei saunoa le afioga i le Palemia, ua tuuina atu mo le faamaoniga a le afioga ile Ao mamalu o le Malo.
E le gata foi i lea, a o isi ona tofiga sa tautua ai i le Malo, e ala i le tofiga o le Ofisa Sili o le Matagaluega a le Palemia ma le Kapeneta i tausaga ua mavae. Faafetai le tautua mo si o tatou atunuu, ma le Malo. Ia saga faamanuia le Atua i fuafuaga mo le lumanai.
