E 8 moliaga o le tasi o atalii na tolaulau i le faamasinoga ile vaiaso talu ai, faale aogaina le 5, (strike out 5 charges) e ala i le finauina o molimau a leoleo, na matua’i sese, ona fau, sese vaega o le tulafono, na tau faa-auala ai.
Tolu mataupu eseese (3 different matters), ae na talosaga e tuu faatasi, ina ia to laulauina faatasi.
O le lua o nei mataupu, na faia i ai se faauiga, a se tasi o Faamasino, peitai, ona o le matua matuia o isi molimau mulimuli ane, na ita ai le Faamasino, ma toe laga mai i luga mataupu ia e lua ua uma ona faaiu ina, ina ia fai faa tatau i ai se faaiuga a lana Afioga.
Ona o le matuia tele o le mataupu, ma le popolega, ina nei faa le aogaina le visa o lenei atalii Samoa, loo i Ausetalia i galuega faavaitaimi i le taimi nei, na tuu mai ai e lana Afioga ile faamasino se faaiugae ono oo i ai le taunuuga o le mataupu, i le faa fale puipui ai o lea alo o Samoa, e lei i lalo mai o le 12 masina.
Na toe talosaga le loia a le alii Samoa i le Faamasino, e toe tuu mai se avanoa, sei toe faatalanoa ai, leoleo o loo tagi, ma le ua molia ona o loo i ai pea popolega a le loia, i faamaumauga o le tagi a leoleo, i faaupuga o moliaga e 3 na totoe mai, le 8 na i ai muamua.
O popolega ia, na fautuaina ai loa le ua molia, ina ia suia lana tali atu i ona moliaga, mai lona ioe ina, i le tetee loa i ai, i moliaga uma matuia e tolu o loo totoe.
O le faamoemoega o le Loia, ia finauina (challenge) le itu tagi a Leoleo, ia tuuina atu i luma o le Faamasinoga, ni mau, poo ni faamaoniga maumau tutu, ese mai i le ioe ai o le ua molia, ina ia fa‘amalieina ai vaega o tulafono, ma ona taiala, aemaise lava.
Ua faailoa e le Faamasino e ala i lana faa’ilo (sentencing indication), na te le taliaina le talosaga mo le faia ai o ni galuega i totonu o le komiuniti, (seeking community correction order),
Ae e lilifa sana faaiuga i le faamausali ai i le faa fale puipui ai o le ua molia, ona, na le tasi, le lua na tuu avanoa i ai le faamasinoga i nisi o moliaga muamua, peitai, o le faa tolu ai lea ona tula’i i le soligatulafono lava o le faaoolima matuia, faaoolima na mafua ai ni manuaga i se na lavea, gaoiga o ni mea totino,
A le na lavea i lana faaoolima, ae le gata i lea, e tolu nisi foi o tau lelei, ua ia taulimaina, ripoti mai falema’i, i le ogaoga o manu’a, ma lavea, i le fasiga o lenei taule‘ale‘a, Samoa na alu atu i galuega faavaitaimi.
