Ua toe tolopo atu ise taimi ole masina fou o Me le faamasinoga toe iloilo ole fanua o Papataia itutaga i Fagamalo i Savaii.
Ole mataupu le na valaau ile Aso Lua 11 o Aperila ile faamasinoga o Fanua ma Suafa ile maota Faamasino i Tuasivi.
Ole afioga ile Sui Peresetene Afamasaga Michael Soonalole sa tuu nate faatautaia le mataupu lenei. Peitai talu ai e lei auai atu lesi itu talosaga, na taunuu ai le afioga ile Sui Peresetene i lana faaiuga e toe tolo le mataupu lenei.
Ma ia saunoa “Aua e taua le tatau ona auai uma itu faamauina.
O Itu faamasino e aofia ai lesi itu mai le afioaga o Fagamalo oloo taitaia ele faipule Ole itumalo le Susuga ia Seuamuli Fasi, ae o lesi itu oloo taitaia ele Afioga a Pataialii Sofaea Alo mai Safotu.
Ole itu e lei pa’au ane a Matai’a Vegi na mafua ai ona toe tolopo le iloiloga lenei. Ole faamasinoga oloo aafia ai le laueleele o Papataia itutaga e tusa ai ma faaiuga ale faamasinoga 1915 ma faasolo mai ai ile 2015 e anaia ele Suafa Sava o Fagamalo.
O le fanua Lena sa fausia ai le maota gasegase i Fagamalo peitai na afatia le falemai ma ua toe o puipui Sima oloo laulaututu ai nei.
Ole mataupu lenei pei ona faailoa ele Sui Peresetene e taua Tele le auai o itu Uma i lona toe iloiloina ise taimi vave.
