O tulaga faaletonu o le tau mai lava le afiafi o le aso Sapati ananafi seia aulia mai le amataga o le vaiaso nei, ua afua ai se faasilasilaga mai le Ofisa Sili o le Mataaluega o aoga, le afioga Aeau Chris Hazelman ina ia tolopo le amatalia ai o aoaoga a fanau i le aso seia aulia le Aso Lua o le vaiaso nei.
Sa iai le faamoemoe o le aso, le Aso 5 e toe foi uma ai fanau o aoga tulaga lua ma Kolisi i aoaoga o lenei tausaga e pei ona masani ai.
Peitai na maitauina e le Ofisa Sili faasilasila o tala o le tau mai le Ofisa o le vaai tau e le saogalemu mo le usu mai o fanau i aoga ma le toe foi ai i aiga.
E oo foi i luga o auala tele i nisi o afioaga ua maitauina le paauu ma poloka i laau tetele ma le mafai ai ona sopoia e taavale.
Ae ua fautua mai le Matagaluega o aoga i Matua ina ia toe faafoi atu uma fanau ia nofo saogalemu i maota ma laoa seia aulia le aso Lua a taeao ona faaauau lea o aoaoga o lenei tausaga.
