Faamatuuese e le Itumalo o Faleata 1 le $40,000 mo piliaoga o fanau o loo ao’oga ile Iunivesite.
E eseese uma lava itumalo ma le faasoaina o a latou tupe o loo faamatuu atu, e ui e lei soo uma itumalo ile poloketi 1 miliona ona o nisi o tulaga e ao ona faamalieina muamua.
Peitai o lea ua talatalafulu mai e le faipule o le itumalo o Faleata 1 le afioga ia Leatinuu Wyne Sooialo le faataatiaga o le seleni a lona itumalo ua iai nei
Mai le latou $425 afe lea na maua muamua atu e tai $2,000 lea ua logoina ai aiga e fuafua atu iai le faatauina mai o nisi o vaega o loo manaomia le faaleleia i totonu o aiga.
Peitai saunoa Leatinuu e $40,000 ua maea foi ona faamatuu ese mo le totogiina o pili aoga o alo ma fanau o le itumalo o loo aooga ile Iunvesite Aoao o Samoa.
Ma faaiu ai loa le tupe muamua a le itumalo o Faleata tasi ile poloketi a le autalavou o le Ekalesia EFKS i Tulaele.
