Filifilia le Kolisi o Faleata e fai so latou sao ile tetee atu i aafiaga o le siosiomaga i kasa oona.
E 70 ni laau eseese na totoina i totonu o le lotoa o le laumua o le Kolisi o Faleata ile aso ananafi, e faailoa atu ai le lagolago ma le tetee atu i aafiaga o le ea mai kasa oona.
O lea faamaita o se vaega o le Polokalame a le Matagaluega o le Faalenatura ma le Siosiomaga, Matagaluega o Aoga, taaloga, ma Aganuu ma le Sosaiete o Faasao a Samoa.
O le filifilia ai la o le aoga a Faleata o se tulaga taua tele lea o lea faamalamalama ai i nisi o alo ma fanau e lei iai se malamalamaaga i aafiaga o le kaponi poo le ea mai gaioiga o loo faia i tua i agia e pei o le susunuina lea o lapisi ma plastic.
Ma o le auga foi lena o le totoina ai o nei laau e 70 na ofo atu e le Matagaluega a le MNRE ma siomia ai le lotoa atoa ma le faanaunautaiga ia tutupu ma ola lau usiusi laau nei ia maua ai se siosiomaga lanu meamata.
Ia manatua ai pea e alo ma fanau o le laumua le taua o le siosiomaga ma le vaomatua i le soifuaga o le tagata Samoa.
Ma na faafetaia e le laumua le Matagaluega o le Siosiomaga Faalenatura MNRE, Sosaiete o faasao a Samoa ma le Matragluega o aoga, taaloga ma Aganuu mo le filifilia o le Faleata e avea ma paaga o lenei polokalame taua o loo tuufaasolo nei tua o afioaga ma faalapotopotoga.
