E fitu pailate o ava malosi ituaiga o le Woodstock , ua i lima o le pulega o le Custom poo le Tiute ma tupe maua, ua taofia ai pea ae faia iai ana suesuega.
O Pailate ia, pei ona molimauina mai e le tatou paaga i totonu, sa aumai uma i luga o le suafa ose tasi o faipule ole Palemene.
Peita’i ua ave isi oloa sa aumai faatasi, ae taatitia ai lava pailate avamalosi, ae o loo manino lava o le suafa o le faipule na aumai ai ia oloa.
I le tali mai a le Pulega ina ua tatou fesiligia, o ta’ua na alu atu le faipule lea kilia mai i tua isi mea, ae taofia ai e le ofisa o Tiute ava malosi.
Ma ole tulaga lava ia e tatau ona faia ma faatino tulaga e tatau ai a le Matalgaluega. o na tulaga e aofia ai le molia faasolitulafono ole faipule e ana le suafa na aumai ai pailate avamalosi nei.
Ma ua faasee atu i loia a le Matagaluega mo le faagasologa o galuega e faia iai.
