Ua oo atu i luma ole maota ole Senate a Amerika le faatalanoaina ole faaletonu lea na tupu ile Talofa Air ile malaevaalele i Tafuna ile masina talu ai o Iulai, ma latou fa’aaoga ai le lipoti a le ATA – MUA News, na faamatala ai e le pasese le see ai ole vaalele i ona pa’u i tua ina ua le tali le pa’u i luma ina ua tulaueleele ma faatu vave loa le vaa ae ave i fafo le pasese ise taimi vave lava.
Peita’i ile maota ole fono a le Senate a Amerika Samoa sa fesiligia ai e le pulega ole Talofa Air, ole sui ole pulega ole malaevaalele i Tafuna, ma le sui ole pulega tineimu.
Ma tuaia ai e le pulega ole malaevaalele le pailate ole Talofa Air, i lona le ta’u vave ane ole faaletonu ua tupu ile vaalele.
Peita’i na tali le pule ole Talofa Air, e iai taimi o faalavelave faafuase’i pei ole tulaga lea, na fa’ato’ā iloa le faaletonu ua tu laueleele le vaa, ma ole gaioiga muamua lava a le ave vaalele ole saogalemuo pasese ma le faatautaiga ole vaalele, pei ona faia e le pailate, na tape muamua lava le vaa, leai se sootaga e mafai ona toe faia ile pulega ole malaevaalele ae ave i fafo le pasese mo le saogalemu.
Peita’i, o ta’ua foi ile feiloaiga lava lea,
” E lei faia le galuega a le pailate, pe ana fai le galuega a le pailate e tolu lava minute e minoi atu ai le vaega fuimu “.
Na faamatala e lesi ole vaega lea na faatalanoa e le Maota ole Senate, tusa ole 6-7 minute taunuu le fuimu, ole taimi foi lena na avane ai le pasese ile fale pasese.
Peita’i oloo manino lava le molimau a le pasese i lena itu.
Na ta’utino le pulega ole Talofa Air, “ile faamalieina o pasese i taimi na taunuu ai, ae ole’ā tilotilo iai ile faasaoga o lena itu,”
Peita’i na saunoa le Peresetene ole Senate, ole faanaunauga ole, puipuiga ole soifua e leo se taimi muamua lea na tupu foi, ile malaga mai a le senator ole faalua lea ona tupu.”
