Tuai ona valaau le auaunaga o Fuimu

SHARE NOW

E taunuu atu le tali vave a le Pulega o fuimu ma faalavelave faafuasei, e laveai se maota i Matautu ile taeao ananafi, ua tuai lava.

O taua e le tatou paaga mai totonu ile ofisa fuimu, e le’o mamao latou ma le faalavelave ananafi.

Ae pe ana vave logo a le ofisa e lelei, Peita’i e taunuu atu ua sosolo le mu o le fale, ma taumafai ai loa e taofiofi ma faatonutonu, aua nei sosolo atu i fale tua’oi.

E mu le maota e le’o iai nisi o le aiga, o le taimi o sauniga lotu ole taeao, o masalomia pe na o le aiga ile lotu.

O galuega faatino a le pulega o fuimu ile vave atu iai, lea ua mafai ai ona faasaoina mai ai aiga tuaoi ae o faleoloa lalata ane.

O molimauina, o le maota lea na aafia, e aga atu le auala I tafatafa ole falesa mamona i Matautu, ile itu taumautau ile alu i tua. Ma e lata ile faleoloa o Frankie ma maota o aiga, o loo felatai ilena vai aai.

Na manuia le taumafaiga e faatonutonu ma taofiofi le sosolo a le afi, e leai se isi na aafia, pe maumau ai foi se soifua.

E le’o iloa  ile taimi nei le mafuaaga o le mu, peita’i o fautuaga masani lava e nofo uta iai aiga, mai le pulega o fuimu ma faalavelave tutupu faafuasei.

Talu le tau vevela o iai nei, ia faaeteete le faia o tafuna’i lata I fale, siaki meafale e alu ile uila, pei o auli uila, toasters, ogaumu poo ua tape mo le puipuiga o faalavelave tutupu.