O le filifiliga a le Sui Palemia o iai nei o Samoa, Tuala Iosefo Ponifasio e sui le pulega ole malo o Samoa, talu mai le uma ane o le palota tele ia Aperila 2021 lea ua molimauina ai le sosolo mai ai lava i taunuuga o isi palota laiti sa faia, ma migi mai ai isi nofoa ole HRPP, e oo mai ile taimi nei, ile uma ane o le palota laititi ile faaiuga o le vaiaso talu ai, ma faamautinoa ai loa le mafai ai nei e le Malo a le FAST ona faia ni suiga tetele, e faamalieina ai lana anavatau.
O se tasi o mafuaaga na fuli iai le tele ole atunuu mai fafo e sui le pulega o le malo, e aofia ai le:
Le ave ole faamuamua i tagata e ana le atunuu male malo. Ma le ta-aofai mai o finagalo o tagatanuu Samoa i atunuu e mamao e palotaina ona taitai, nisi na o vaega ole anavatau a le FAST, ua mautinoa ai nei le faia iai ose suiga, ina ua ia umia ai nei le 3/4 o faipule o le palemene, 35 nofoa ole 51 itumalo ma le nofoa faaopopo tamaitai na avane ile taunuuga o le finauga o le 10pasene ole 51 ile faamasinoga, e le lima e ono. Ua afua ai le 52 nofoa ile taimi nei, 35 FAST ae 17 HRPP.
O le toe taliu atu o faipule o Siumu, Faleata 4 ma Vaa o Fonoti i o latou nofoa ile maota, ole taunuuga na talosia ele to’atele pei lava ona molimauina ile faaiuga ole palota.
O saunoa le afioga ile Sui Palemia, ina ua tatou fesiligia i lana faaiuga mai le amataga e sui le pulega o le malo, “ole 35 o Sui ua maua e lenei faigamalo, o le isi lea avanoa mai le Atua e faatino ai galuega ma fuafuaga lelei a le Malo o loo taoto nei mo ona tagata.
“O le naunautaiga ole malo ina ia faaaoga lelei lenei malosiaga o se fainumera tele e fai ai faaiuga talafeagai mo le toe faatulagaina o faavae ma tulafono ma Samoa ile tulaga e Tatau ona iai.
“A leai, e mafai foi e le Atua ona ia toe aveesea. “E taua le faamaoni o le tatou Malo ma le aufaigaluega a le malo I tiute tauave ma tiute fai o loo matou galulue ai nei mo se manuia o Samoa.
“Ua manino le tatou malo ile tele o galuega o loo fia fai aemaise lana vaai taulai mo le alu I luma o le atùnuu. “O loo tumau pea se lagona faafetai I se faaiuga sa ou faia, o se faaiuga mai le Atua e filifilia ai le tatou taitai ole Malo aemaise ou uso ma tuafafine minisita ile kapeneta ma faipule uma ole Faatuatua ile Atua Samoa ua Tasi e lagolago ai ile tapenaga a le Tautaifono ma i latou uma sa faatuina lenei Pati o le FAST, Lea ua Ave iai le lagolago a si o tatou atunuu I le Palemia ma lana faigamalo ua tu.”
