Tufa tupe poloketi a nisi o itumalo mo le au fai faatoaga ma pili aoga o fanau

SHARE NOW

O Falealupo ma Lepa ma Saleapaga, itumalo muamua lava sa tufa tino i tupe o vaega muamua o a la ulua’i miliona tala.

Peita’i o tupe na tufa i tagata palota o Falealupo, sa mo faifaatoaga faamaoni ile totoina o le tiapula, faatusa ile vaega muamua ole miliona a Lepa, sa umi se taimi o faatali sona faamaumauga.

Ae o tino i tupe na tufa i Falealupo, Ole tagata lava sa tele ana tiapula, e tele foi ana ta’i tala.

O na tauga ma’umaga ua selesele ai le itumalo ma fananau mai ai isi ta’i tala, ae o le maua ai o taumafa o aso uma, ma faaauau mai i le taimi o le miliona lona lua.

Peita’i o le faiga lena lea na faataitai iai le tele o itumalo ile atunuu, ina ua tatala le avanoa e latou te faaaoga ai vaega o le miliona mo le totogiina o pili aoga o fanau o aooga i le Iunivesite, ma avatu iai e latou komiti siaki tupe.

O le tele foi o itumalo, o loo galulue ai komiti latou te faia faatau o oloa mana’omia a aiga talosaga, o faaaoga iai siaki tupe.

O totino o komiti isi tagata na muamua lava uu tupe ile miliona tala, e aveese lava foi le vaega tupe o le miliona a le itumalo e totogi ai, faatasi ai ma le toatolu e faafoeina le ofisa.

Peita’i ua amata ai nei foi ona tofo tagata palota o Faleata tolu i faamanuiaga ole miliona, ua tufa atu iai pepa tala oloa e o ai latou e faatau ane oloa e atinae ai aiga, pei ona faatino ai e komiti a isi foi itumalo.

E lei maua se tatou avanoa ile faipule, poo le taitaifono ole komiti a Faleata tolu, ae o lona faipule, Lealailepule Rimoni Aiafi, na ia ta’u ile Samoa Observer, o pepa tala oloa tai $500tala a le tagata palota o lona itumalo ua toeititi uma, e faatau ai mea faigaluega poo meafale, ae o tagata e le’i maua se pepa tala oloa, e faatali mo lesi taimi.

O faamanuiaga ia, ua manuia ai aulotu, i oloa faatau pei o fale ie , nofoa ma laulau, e  faaaoga e aiga o le aulotu i latou faalavelave, ae totogi, pei ona faia e le EFKS Tulaele, o Faleata lua, ae ua molimauina mai le manuia ai foi ole aulotu a le Livigstone i Vaitele i nofoa foi ma laulau e saili tupe ai, o le latou vaega mai le miliona tala a le latou foi itumalo, Faleata tolu.