Mai lava I tapenaga ole fono tele, molimauina le feilafi o afioaga I tua mai le malaevaalele i Apia, o ananafi na tatou oo atu ai ile atu Safata, ma maitauina o foliga matalasi foi lena I tafaala mai Leulumoega ile ala faalava I Lefaga, e oo atu lava i Tafitoala ma faasolo atu ile atu Falealili.
Ma o loo faapena foi ile faasolo ane ile atu Aleipata ma le atu Anoamaa ile atu Vaimauga, ma le atu Faleata, e oo atu I Aana, Aiga I le tai ma le atu Falelatai, ua lanu tasia uma lava ile talimalo lelei e ala I tapenaga o tafaala.
Peita’i e le’o foliga na o loo molimauina i vaega tonu ole’a faatino ai fono i Mulinuu.
E oo mai ananafi, o loo faulala’I lava tulou, otaota o fale ma masini na faaaoga e le konekarate a Saina sa fauina le Fale faamasino.
O tuamaota o le fale faamasino ile va ma le maota fono ole Palemene e tatala ai le fono a le CHOGM o loo fola ai lava toega o apa ma u’amea o masini, laupapa ma otaota faatiga mata I lena vaega o le taulaga, e le’o faia ia se faatatau talu mai ananafi.
I le taulaga lava ia, ua molimauina le lagolago a le au fai pisinisi e ala I le fili launiu o latou ofisa ma tatau fu’a ae o le toe vali ma faamatagofie .