E maoa’e le tulaga ua oo iai taumafaiga ma tausinioga a au taaalo tamaitai a si o tatou atunuu lenei tausaga.E pei ona tausinio ai ma faamautu ai o latou avanoa i taamilosaga ipu o le lalolagi mo le tausaga fou.O nisi o ‘au a tamaitai e le gata o le maua o avanoa mo taamilosaga ipu o le lalolagi,ao ni matati’a foi lea ua latou faatuina i totonu o latou Asosi ma Faalapotopotoga talu ona faavae mai i le atunuu,e pei ona iai le au soka a tamaitai lalo le 17 tausaga o se taimi muamua lea ua ausia ai e se au soka a Samoa se taamilosaga o le ipu a le lalolagi le FIFA.O le au kirikiti faavaomalo a tamaitai lalo le 19 tausaga,o loo ua tapena nei mo le taamilosaga o le ipu o le lalolagi T20World Cup faia i Meleisia ia Ianuari o le tausaga fou.O le taaloga netipolo lea foi ua sao atu le tatou au mo le ipu o le lalolagi a teine talavou faia foi le tausaga fou.O le Manusina ua sao atu foi mo le taamilosaga o le ipu o le lalolagi le lakapi 15,faapea ai ma le tatou Fetu Samoa lea foi ua agavaa le ipu o le lalolagi taaloga o le lakapi liki ina ua manumalo ai le au a Fiti le la taaloga i le faaiuga o le vaiaso.Ua moni ai le upu a le atunuu,e au le inailau a tamaitai.Manuia a outou tapenaga mo le tausaga fou.
