Ole pepe o ea malulu ole potu e nonofo ai pasese ole vaa lapoa lea e usu mai Savaii ile 6 ile taeao, ma malaga ole aso e aofia ai ma le malaga mulimuli i Savaii, Lady Samoa 3 , i ana malaga faalevaiaso, na afua ai ona tatou fesiligia le Pulega o Vaa, ile mafuaaga o lea faaletonu lea foi ua alu atu lenei vaiaso o faaauau lava ona talai faamalama ole vaa, e maua ai se savili malu atu i fafo, mo le pasese.
Peita’i na saunoa le alii pule ole ofisa o le faalapotopotoga vaa, Susuga a Leiataua Sam, ‘O loo faatali le part ole ea, e taunuu mai Iapaai ile vaiaso fou.”
Ole vaega lea o le ea malulu e le taugofie pei ona ia ta’ua, e masani lava ona iai le condenser faaleoleo, ae ua talia ai le part, ona toe faaleleia ai foi lea ole auaunaga i le potu ole pasese.
Ole Aso Faraile nei, lea e malaga atu ai, pulega a faalapotopotoga oi lalo ole Matagaluega o Galuega tetele, mo Savaii.
E aofia ai ma le pulega o le faalapotopotoga o Vaa o feoai ile va o motu.
Na ta’ua e le pasese mai Savaii ile taeao, e mana’ia lava le usu mai Savaii, aua, o loo malu le taeao, ae o isi malaga ile aoauli, e talotalo ai ia tele se savili, sao atu I faamalama o loo talai.
Ae ole vevela o totonu, sa tulituli ai e pasese le pito I luga, mo le savili ma fafo mai o potu e taootoa ma faasavili ai pasese.
tO le vaa lapoa lea, o loo molimauina lava, ole fafitauli taatele lava, o faleui tulou, a le puni , ole manogi ma le leai ose pepa.
O le au asiasi a lea e malaga I Savaii, e aofia ai le vaega a le EPC, eletise, LTA, auaunaga Vaa ma le SPA, poo le pulega o uafu.
