Ua faamaonia mai e le Minisita ole matagaluega o le soifua maloloina, Valasi Toogamaga Tafito Selesele le faaletonu ole masini e gaosia ai Okesene mo maota gasegase.
Ole mataupu lea na fesiligia ai e le faipule o Satupa’itea, Lautafi Fio Selafi ile fono a le palemene ile vaiaso nei.
Saunoa Valasi: ” E taua le mataupu, i masini Okesene, o le okesene mo Savaii, ole mea moni, sa oo atu le savali, ina ia fai i ou eleele i Satupa’itea le Okesene ae teena e le tatou nuu.
Sa asia Vaiaata, ae taofi atu e le vaega o leoleo faapea o le fanua e fai si lata i uta, e le talafeagai mo le Okesene ae ua iai le fuafuaga mo le okesene i Savaii.
O le fale okesene fou o iai sa fau e Niusila ma toe omai e aoao ai o tatou tagata.
O faatali le oka mai Amerika mo le faaleleia o masini i Apia, a’o faaaoga ai masini tuai, ma teena ai e Valasi le iai ose faaletonu o sapalai okesene i Savaii pei ona saunoa le faipule o Satupa’itea, Lautafi Fio Selafi.
