Tula’i gugu le faipule o Vaimauga mai le Palemene                                        

SHARE NOW

O le faaiuga a le faamasino o faiga palota, e fua iai le toe fai o se faigapalota laititi a Vaimauga tolu. 

Ole fono a le palemene ole viaaso nei, sa tatau ona lagona ai se leo ole faipule filifilia o le itumalo o Vaimauga 3, afioga  a Lautimuia Uelese Vaai. 

Peita’i e le’i uma ane le fono mulimuli o le vaiaso nei a le Palemene, ae maua atu ai le faaaliga ua iai le faalavelave ile faamasinoga faasaga ile nofoa na manumalo mai le palota laititi a Vaimauga tolu le afioga a Lautimuia. 

Ma toe tula’i ai le faipule ole itumalo, ae le’i mae’a le palemene o lea aso, ae o ta’ua mai totonu, o le aso lava lea na fuafua e ffofoga ai le maota, ae o lona itumalo faapea Samoa atoa, ise saunoaga faataupou a le Faipule. 

O lipotia mai ole tagi a Samau Leatigagaeono o le HRPP   ua oo atu I le faamasinoga ma tuuaia ai le solia o le tulafono , o faigapalota . 

Peita’i e faatoa iloa tonu le taunuuga o lena tagi, ile faamasinoga, pe’a uma ane se faaiuga a faamasino. 

I tulaga tau faamasinoga o faigapalota, a faamaonia le solia o le tulafono o faigaplota e se sui tauva, e le toe agavaa e tauva i se isi faigapalota laititi. 

Peita’i ile uma ane o le palota laititi a Vaimauga tolu, na malo a’ia’I ai Lautimuia Uelese Vaai FAST I palota e 1,531, faatusa ile matai na sosoo atu iai, Samau Leatigagaeono o le HRPP 1,082.  

O le aso 31 o le masina nei e valaau ai le mataupu lea I le faamasinoga o faigapalota I Mulinuu. 

Ae o le masina o Me e toe feiloai ai le palemene I lona maota fono i Tiafau.