Tula’i le sikulaki a le RSA i luma ole fa’amasinoga

SHARE NOW

E fa moliaga a le itu a leoleo ua tuuaia ai nei le alii o Andrew Samuelu mai le afioaga o Vaiusu.

O ia moliaga e aofia ai le, faaooman’ua, faaoomanu’a tuga, manua ona o se faaoogalima, ma le faatupu faalavelave.

Na tolaulauina ia moliaga i luma o le Faamasino o le Faamasinoga Maualuga Justice Roma ile amataga o le vaiaso nei.

Pei ona lipotia o le alii lea e sikulati ile falekalapu a le RSA, lea na ia faaoo ni manuaga tuga i le tama 48 tausaga mai le afioaga Samalaeulu ma Fusi.

Ma ta’ua e lona aiga le ogaoga o manuaga i lona ulu. I le tala a le tauaiga lea ile sui ole Leitio Polensia, na uma ona fasi tia’i ai lava ile pupuvao i tua ane o le falekalapu, ae na iai le ave taxi sa ia iloa atu le mea na tupu na fesoasoani e avatu le tama ile falema’i. 

Ae i taualumaga o le faamasinoga Maualuga i le aso ananfi, ua talia ai le talosaga a le ua molia mo se avanoa e tatala ai o ia i tua, 

I lalo o aiaiga o le tuuina uma mai totonu ona Pepa malaga (surrender documents) saini i le ofisa o leoleo i Apia i aso Tofi o vaiaso taitasi ma aua nei toe molia pe aafia mai ise isi soligatulafono. 

O le aso 3 o le masina o Aperila o le tausaga nei lea ua tolopo ai le toe fofogaina lenei mataupu ae o le tamaitai loia Ann Matalasi, mai le Le’avai Law Firm, o loo tulai mo le o loo molia nei.