Tuliloa e le Loia lesi Loia ile finauga o le Uili 

Tala tuliloa mai le Faamasinoga Maulauga i Mulinuu i le aso, ile tagi a le afioga a Iliganoa Sapolu, faasaga ile uili a lona toalua ua 28 tausaga talu ona la faaipoipo.

Na tulifesili ai e le Loia a Ili, Afioga a Leone Mailo le tuafafine o Falefatu Sapolu, Luamanuvao Katalaina Sapolu.
Ile vailiina lava ole saini ole Uili lea na finau Ili ananafi e lei sainia e lona to’alua le Uili.

Na ta’u e Katalaina o ia e nate faatinoa le typing o faamaumauga faapea a Falefatu, pei foi ona faatonu ai ia e tusi atu le uili.

Ma ta’u ile faamasinoga, o lo o tatala lava le Oifsa Loia, faapena foi i le Bank account. Ma e saini uma ai la’ua ma Falefatu. O le ofisa Loia ia, ile faamatalaga a Luamanuvao, ua ave uma lava tusi a Falefatu i le fale.

Faapena foi i pepa tau lava ia Patu e tuu uma lava i lona fale. Ma ia toe faamaonia, ioe e na te silafia lelei aseta a lona tuagane.

Peita’i e le taitai ona la talanoa ma Patu, i teuga tupe a Patu lava ia. Peitai sa la talanoa ma Patu i ana Aseta.

Ma o le saini o loo iai luga ole teuga tupe ma fanua o le : Falefatu M Sapolu, vagana ai le fanua i Malololelei.

Na ioeina e le molimau ma ia faamaonia saini a lona tuagane i luga o le tusifolau.

Ma o lesi ana saini na amata i le taimi na faaee ai lona suafa Patu. Na faamaonia foi e le tamaitai Loia ia Luamanuvao Katalaina, o lona tuagane e lelei tele ile faaaogaina o le computer ile faiga suesuega, research. ae o le tusiga o tusi i luga o le computer e faatino uma lava e ia.

Na tuli e le tamaitai Loia a Ili, le agavaa o le Uili, talu e le’o iai ni initials, poo ni saini pupuu a le toalua sa molimau i le sainiga e Patu o lana uili.

Ae pe aisea na le faia ai lena tulaga, mo se faamaumauga taua, e 26 itulau pei o le Uili.

Na tali Luamanuvao, aua o tagata na , o molimau na saini , na vaai o faatino le saini a Patu. Ae leai se la aia, e latou initial ai fua le Uili, aua e le tatau ona la iloa mea o loo i totonu o le uili.

Ole uili o finau ai nei, pei ona finau Luamanuvao, sa ia faitauina ia Patu, ma na toe faitau foi e Patu faato’a ia saini ai.