Mo le taimi muamua ua oo atu ai se Minsita ole soifua maloloina e asia le Goshen trust i Moamoa, o le mapusaga o tagata e iai manaoga faapitoa o le mafaufau. Pei ona mulimuita’ia ai e le Afioga Valasi Togamaga Tafito Selesele lana folafolaga se oo ane e asi le nofoaga lea ise taimi , ina oo atu le logo i manaoga o na foi tagatanuu o Samoa a’o tapena le tupe faasoasoa a le malo 2022-2023
Ile asiasiga a le afioga i le Minsita o le soifua maloloina ile lotoa lea, na tali i le faasee’apa. faataalaelae. Ua na’o nai laupapa 2×4 ma pou faaee iai apa i luga, ae ‘ou ifo i lalo le ogatotonu, i le vaivai o laau faalalava, ma le paleni le tu mai a le faasee atoa. O foliga vaaia na o le lotoa na molimauina e le Minsita, ma saunoa ile laasaga e ao ona see atu iai ni foliga vaaia ole aai o Goshen i Moamoa ile lumanai.
E tolu fale mautu , o loo i totonu o le lotoa, e aofia ai fogafale lua e lua, sa fau faapitoa faamaualuluga lava mai taimi na api ai tagata faigaluega a le malo o Ausetalia. Ae mo le taimi nei, ua api ai tamaitai, ae o lesi fale o alii ma lesi fale o loo faaaoga mo gaoga.
E ese mai le faasee apa ile pito i tua o le lotoa.
Ile maitau e ui o le loka ole faitoto’a ma le maualuga o le pa, ae a fia sola lava le ma’i i tua e mafai ona sola i tua, ae ua mana’o ai nei le Minsita e tatau ona iai ni mea faafiafia aua o tagata ia e mana’omia lava ona faafiafia, ina ia fiafia ai e nonofo ise nofoaga puipui pei ona iai.
Molimauina ele afioga ile Minsita, o ituaiga o tagata ua iai aafiaga ole mafaufau, e au lava ina sauaina sese e aiga talu e le’o iai se silafia faapitoa o auaiga e faafoefoe .
Saunoa Valasi ile taua o le feiloaiga ma le tamaitai pule o le Goshen Trust i Moamoa, afioga a Naomi Eshrangi , a’o tapena ai le tala o le tupe faasoa a le Malo.
