E felata’i lava Lotopa ma Tulaele. O nuu ia i le itumalo o Faleata na maua ai e leoleo fualaau faasaina pei o aisa ma meafaigaluega e sootaga i le ulaina o le aisa.
O le vaiaso talu ai na alu ai le suesuega faapitoa faaletulafono a leoleo i Tulaele, ma maua ane ai mea faigaluega e faaaoga i le fualaau faasaina, ituaiga o le Methamphetamine, ma le fua digital scales.
E toatasi le alii na taofia ai e leoleo mai lena gaioiga faa solitulafono. O le tausaga talu ai na taofia ane ai foi e leoleo se alii mai Lotopa o le taunuuga foi ose osofaiga faapitoa ma maua ai fualaau faasaina tupe ma oloa e sootaga ile solitulafono.
Peita’i ua molia ai foi e leoeo se alii 41 tausaga mai Savaii, i lona umia o fualaau faasaina. O le alii lea na valaau ane ai le tagata i leoleo i Tuasivi, ina ua masalomia lana faatauga marijuana.
Na tali atu iai leoleo suesue lana taavale maua ai pepa marijuana e valu, 10 fatu laau, mea faitino e sootaga i fualaau faasa, Telefoni A12; tasi le pusa ututau 12, ma le tupe e $1,258.70.
O loo taofia e leoleo le alii lea 41 tausaga e talia ai le taimi e valaau ai i luma o le Faamasinoga, 6 FEpuari 2023.
