E le’o iai se silafia o le pulega fou ole Samoa Airways i Matafele, ile mafuaaga o le aveesea atu Ofisa o le Samoa Airways mai le fale ole NPF sa lisi ai i le taulaga i Apia, ile fia o tausaga, fesagai ma le uati tele. Sa alu sa’o ai a latou rent ile faaputuga tupe a tagata fai saofaga ole NPF.
Peita’i ua sii atu ile fogafale lua o le Metotisi i Matafele, talu mai le masina o Novema o le 2021, pei ona molimau le aufaigaluega.
Ae o le mafuaaga o le fesiitai, ina ua tatou fesiligia le pulega o iai, Susuga Fauoo Fatu Tielu, o lana tali o ia faatoa tofi atu nei iai, ae ole suiga na faia ia Novema o le tausaga talu ai.
Ile tatou feiloaiga lava lea ma le alii pule fou o le Samoa Airways, ia Fauoo Fatu Tielu, na tatou molimauina ai e le’o atoa le saogalemu o tagata faigaluega ae o le mamalu o le atunuu gasolo atu i le maota fou lea ua iai nei.
E le gata ina e leai se auala e ui ai le aufaiga i fafo i se taimi o faalavelave faafuasei, ae leai foi se faitotoa faapitoa e uia e nofoa tulei wheelchair access, faatasi ai ma se vaega tele o nofoa o faaaoga e tagata gasolo atu, e le’o saogalemu pei ona molimauina mai e le aufaigaluega.
