Tala tuliloa:
E oo mai ile aso o lo o tau sailia lava e le tasi o ofisa malaga i Apia, le tama talavou lea o loo fealua’i ma tusifolau o tagata na ia folafola iai malaga faavaitaimi i Ausetalia ile silia i le ono masina ua tuana’i.
O le ofisa malaga lea na faaseseina foi e le alii talavou ia Lamepa Siufaga o Fagalii, lona sootaga i aumalaga favaaitaimi mo Ausetalia.
Ma tapena ai e le ofisa malaga lea lana ia foi aumalaga mo le avanoa lava lea e tasi, i galuega faavaitaimi.
E le gata ole aumalaga faavaitaimi a le ofisa malaga, ae o isi foi tagata na faafaigofie ona faaui ane a latou tusifolau ma tupe ile ofisa malaga lea.
Ae ao Lamepa a latou tupe , e oo atu I le $400 ma le sili atu.
Peita’i na taua e le pule o le ofisa malaga, o loo tau saili foi e ia tusifolau o lana vaega na tapena mole malaga i galuega favaaitaimi a Lamepa.
O lana ia aumalaga sa moe tasi, mo le faia ole latou faamavaega, ae mulimuli ane send atu le text ua le oo le malaga.
Peita’i ua le toe maua iai se fesootaiga, ma Lamepa, vagana le faatoesega na send ane , e faamalie, o le’a totogi uma ane tupe a tagata.
“E oo mai nei e leai lava se tupe poo se tusifolau o tagata ua toe faafoi ane ile ofisa malaga.”
O aoga tupe, a Lamepa, e aofia ai le $10,000 ma le silia I le $4,000. O tupe a tagata na faaui ane ile ofisa malaga a , mo le totogiina o lesitala, o totogi o kilia o leoleo ma kilia ole falema’i.
E iai isi e ta’u kilia a le foma’i ae lei vaai lava ise foma’i.
E iai le tama ua toe totogi lana $700tala, e Lamepa, ile uma ane o le faataamilosaga i le ofisa o le malo, na sulu iai, ma iloa ane ai, e leai se aumalaga a Lamepa, e le moni foi le igoa o loo ia ta’u i tagata ma le Ofisa malaga.
E fetaui le oo atu o se vaega o le aumalaga lea i leoleo, ma latou faasea, ae sa pisi le ofisa ile fono o le CHOGM, ae o taua e le sui Komesina, ua faia nei suesuega a leoleo ilea mataupu
| ReplyReply allForward |
