O le to i se tamaloa na latou o atu i galuega faavaitaimi I Ausetalia ma Fefe i iloa e le lona toalua faaipoipo, ma matua, aiga ma le fanau o loo i Samoa, tali loa i le tuu o le pepe pe a fanau i se aiga i Ausetalia, ina ia aua lava nei iloa e le toalua, matua, fanau ma lona aiga i Samoa le mea ua tupu.
O ta’ua e le tatou paaga faamoemoeina i Ausetalia, o loo lotolotoi ai i totonu o le polokalame, o nisi na o faaletonu, o loo faalilolilo, ae talofa e i le aia tatau a le alualu toto, o le a ola a’e ma le leiloa o sona Tina, ma lona Tama moni, ona o le matautia o le mulilua.
Ma fesiligia ai poo afea e foia ai nei faafitauli, ae aisea ea e faaauau ai lava ona avatu faatasi teine, fafine, tama, ma tamaloloa, pe afai o loo matua leai se fofo i lenei mataupu.
O loo fesiligia foi, “Aisea e faa nonofo faatasi ai tama ma teine, i nei galuega, ae o loo iloa lelei le leaga o loo tutupu pea i nei tulaga mataga?
O le faanoanoaga, pei ona molimauina ele tatou paaga, talu sa faapea atu le matagaluega ua taofia le tumau le o atu o tagata i galuega faavaitaimi, ona o iloiloga ma suiga e ala i mea o loo tutupu.
Ae o lea lava e faatetelina ma fesiligia poo fea o loo mama atu ai le polokalame?
