“E leai se faaiuga a le Palemene e faia i le faamavaega a faipule” o Faleata fa ma le itumalo o Siumu, Ale Vena Ale ma Tuuu Anasii.
Ole tali mai lea a le afioga i le fofoga Fetalai o le Maota Li’o Papalii Taeu Masipa’u ina ua tatou fesiligia, i sana tali atu i le tusi ale taitai ole HRPP,Tuilaepa Sailele Malielegaoi. O anaafi 4 o Novema na tusi atu ai Tuilaepa ile fofoga fetalai, ‘e tusa ai ma le tulafono o Faigapalota, poo le a se finagalo ole Fofoga fetalai i itumalo nei, ua avanoa nofoa, ona e fia tapena mamao atu ” ni a latou sui..
Peita’i ile tatou faatalanoaga ma le afioga i le fofoga Fetalai na ia saunoa: “O le faamavaega a faipule, o loo ave i le Vaega faaupufai, ae le’o le palemene.
“O le tulafono tumau lava ia na i lana aganuu, ae o totonu o le Faavae oloo talanoa mai ai, e na’o le Supreme court lava e au iai lana faaiugaina ma faaiuga.
“O lena tulaga, e leai se malosiaga o le Fofoga Fetalai ma le Palemene e faaleaoga ai fua le nofoa o se itumalo.
“Vagana ai le Supreme Court e nate faia le faaiuga. Afai o loo tilotilo i le Electoral Act, poo le tulafono o faigapalota, , saunoa Li’o, “e na’o le supreme court e nate faia le faauigaina ole tulafono, ae le’o le Fofoga Fetalai o le Palemene. “
Ua mautinoa e le fou ni folafolaga a le Faipule o Faleata fa, Susuga Ale e alu ese ma le HRPP. Peita’i o lea faato’a faataunuu.
Faapena foi ile faipule ole itumalo o Siumu.
Ole fitu tausaga talu ai i le fono a le Palemene, na lalau ai ele Palemia o lena taimi, ua leva na le toe HRPP le tofa Tuuu Anasii ma ave iai le tala e faamavae ane.
Ole faavaega a faipule uma nei e to’alua, ina ia maua ai se saolotoga o leo o la itumalo i totonu o le Palemene. Ma ua tutu ai nei faa tutoatasi mo tausaga o totoe o le nofoaiga 17 a le palemene o iai nei.
