O le toe aso lenei o le tausaga 2022, ae o loo augani mai lava le SVSG, poo le To’omaga, i o tatou tagata e faaeteete a’o tatou agai atu mo le 2023.
Ole faamatalaga faapitoa mai le SVSG, ua ala ona faapea mai, e faaetete talu, ua faamaufaailogina lava le 2022, i le faama’i o le koviti 19, o luitau ole tamaoaiga, o feagai ai ma tagata taitotasi o aiga ae o le atunuu atoa.
Ae o le SVSG ma lana tali atu i auaunaga tau i sauaga, na iloga lava ona aafia ai tina ma fanau, ma o loo tupu pea lava.
Maumau soifua o tagata ile vaitau o le Kilisimasi pei ona molimauina, le mata’utia o le fasi a le sauaga, i tagata ua maliliu ai.
Ua iloa e o tatou tagata le laina vili fua mole fesoasoani, 8007874, ile taimi o le kilisimasi na iloa ai le faaaoga mai e tagata ole telefoni,
Mai le 65 valaau na tali atu iai, Voda ma le Digicel, 20 o na valaau o sauaga i aiga,na aafia ai fanau 1 tausaga ua tuulafoaina i le fale ae o matua e faigaleuga.
O lesi valaau ole tama ua le mautonu ua lelava ola, talu faafitauli i le la ulugalii ma lona toalua. o lesi valaau, o lesi valaau o teine laiti, ua sauaina tino i feusuaiga i totonu o latou lava aiga.
Saunoa le Peresetene o le Toomaga Siliniu Lina chang, Ioe, ole mea tonu lava ia, ole faama’i pipisi lea e aafia ai SAmao, e le’o tele se koviti ae o sauaga faaauau.
Ile avea ai ole Toomaga ma faalapotoptoga , e malu ai fanau, ma unaia le aia tatau a le tagata, o iai le agaga o le Toomaga e fesoasoani talitonuga faakerisiano ma agaifanua a Samoa, e fofoa ai lenei faama’i mata’utia ole sauaina.
Ae ua faafetai ai foi e le Toomaga, le atunuu, ae o le malo ma ana paaga , aulotu, nuu ma aiga, uo ma latou uma o lagolago ile Toomaga ma lana misiona o aso uma.
