E le avanea le mautu ai o aiga ma le atunuu, i fua o galuega faavaitaimi ae maumau ai tagata ma le lumanai o Samoa.
E ui ose naunau mai o faipule o le itu o agaia le malo, e faaauau pea le la’u o tama fanau a Samoa i galuega faavaitaimi i Niusila ma Ausetalia, ona faapea ua tua iai le tele o aiga i le tofu ai ma tavale, o faleapa ma isi faamanuiaga.
Peita’i ole manaoga foi lena o le malo o iai, o famaanuiaga, mo tagata o loo ave iai lana faamuamua,
Ae e le mafai ona faaauau ai ona la’u o tatou tagata i lalo o se polokalame e le’o iai sona fuafuaga saogalemu mo le soifua manuia faauau o tagatanuu o le tatou atunuu.
Ma agia ai ile Palemene o le vaiaso nei, le tali atu a le Afioga i le Sui Palemia, Tuala Iosefo Ponifasio ile mafuaaga ole taofia ai o malaga o galuega favaitaimi mo se taimi le tumau.
“O le aveina o tagata i fafo, ma taofia mose taimi le tumau, ona e iai le mafuaaga. Ua tula’i mai faafitauli ogaoga lava i le ave o tatou tagata, ae le’o fatulaga lelei aiaiga, amaise faiga faavae a le tatou malo e ave ai o tatou tagata i fafo.
E manumanu tele le malo lenei i soifua, aemaise foi ole faaaogaina o tatou tagata, o le tatou Human Resource e isi atunuu. E iai le mea e ta’u ole Explotation poo le faaaogaina ae le’o lelei ona taui. E le’o lelei foi ona mata’ituina e le tatou malo, faapea foi kamupani o loo faafaigaluegaina o tatou tagata. E faavae lava nei mea uma i le alofa” pei ona saunoa le Sui Palemia.
E le’o iai se fuafuaga a le malo e aveesea pe faamuta avanoa o galuega nei mo le manuia lautele o aiga o Samoa.
