Ua faaleaogaina e le faamasinoga o Apili le faasalaga valu masina o Talosaga Wales Amosa ma Lui Feseetai.
O le toalua lea na faamaonia e le Faamasinoga Maualuga o la moliaga o le gaoi ao avea ai ma tagata faigaluega ia Iulai o le tausaga talu ai.
Peita’i e tolu masina le taimi faafalepuipui na ave iai ma aveese ai la taimi na taofia ai.
O alii ia sa faigaluega o le Samoa Gambling Authority, na la lui’a le faaiuga a le faamasinoga Maualuga.
Na faigaluega i le pito e faatau ai ticket poo pepa loto, peita’i o tuuaia ile tau faasese i le pulega, ma tagata faatau pepa loto, e ala i le ta pe ole uila i le taimi o loo lolomi mai le ticket poo le pepa loto na faatau.
O lena faiga e le maua ai e le masini faamaumauga o lena pepa loto faatau.
Ile taimi ole faamasinoga, na faamaonia ai e le Faamasino sili, moliaga ole toalua o taua i luga. Ma amata mai ai lana faatatauina o le faasalaga i le 12 masina i le falepuipui.
Peita’i na talia e le Faaamasinoga o Apili le talosaga toe iloilo a le toalua o ta’ua i luga, ma faaleaogaina le faasalaga falepuipui valu masina. ae ave iai le tolu masina a le tagata, ia tau ai le tolu masina taofia ai.
