Ua lua tausaga talu ona tapunia le polokalame o Pisikoa Volunteer a le malo o Amerika. Talu mai le taimi ole faama’i tele ole Koviti19 ia Mati 2020 na toe valaau mai ai Pisikoa e foi i Amerika.
Peita’i o lea ua maua mai le tala fiafia, mai le faatonu o le Polokalame Pisikoa a le malo tele, Gini Wilderson, ua fuafua ole masina o Fepuari o le tausaga fou, 2023 e toe amata ai le fesoasoani a lona malo, ia Samoa, e ala i Pisikoa Volunteers.
O ta’ua e le faatonu , le toe foi lava o le polokalama Pisikoa i lona malosiaga na iai. O le’a faaoo atu i nuu i tua ma aoga e faaauau le latou foi pito la’au taua ole galulue faatasi ma faapaaga i le tatou atunuu.
E to’a 17 le aufaigaluega a le Ofisa Pisikoa i Samoa. Sa maua se feiloaiga ma le Amupsa ma lona faletua, Tom Udal ma Jill, i le vaiaso talu ai. Ma ave ai le faamalo ile aufaigaluega i le taimi o le koviti, sa aapa atu e fesoasoani ma mulimulita’ia lava aiaiga tau soifua maloloina.
Sa mana’omia ane foi e le matagaluega o le Soifua maloloina se fesoasoani, Mai le vaega Peace Corps Samoa Medical Team Dr. Sarah Brown, Dr. Sheila Pierce ma le Nurse Joyce Collins sa fesoasoani ile tuiga o tamaiti 5-11 tausaga.
Sa avatu foi le latou taavale ma le avetaavale e faaaoga i le taimi e feaavea’i ai foma’i i nofoaga sa faia ai tuiga.
Sa faaauau lava le fesoasoani ale aufaigaluega ile malo o Samoa i ana matagaluega ma aoga, faapeana foi i polokalame voluteer. O le’a toe maua foi e fanau aoga le avanoa i faiaoga Egilisi pe’a omai pisikoa, o loo taumafai e unai le faitautusi faaperetania i aoga Tulagalua.
O lesi lea Poloketi na amata i le faapaaga ma le matagaluega o aoga, taaloga ma aganuu. MESC.
