O se tala fiafia mo le aufai taavale i Samoa, i lenei tausaga talu mai faamaumauga o Iuni o le 2021 e oo mai nei.
O le fou ole masina ae tumau lava le tau o le suauu, penisini, kiso ma le kalasini.
O le tasi lea faiga faavae ale faigamalo talu ai, HRPP oloo faaaauau pea e le Pulega poo le Faigamalo a le FAST e lei suia, ole tasi lava lea ole tau ile masina, ma le tutusa uma o tau i Pamu penisini ile atunuu.
Faalauiloa mai e le Afioga i le Minsita o Tupe, Mulipola Anarosa Ale Molioo tau foi o le suauu afua atu ia Me aso muamua.
“O le ‘a leai se suiga ile tau e faatau ai le Penisini, Kiso ma le Karasini ile masina o Me 2022.
Pei ona iai le:
Penisi, $3.34 ile lita,
Kiso $3.30 ile lita,
Karasini $2.87 ile lita.
O loo tumau lava le tau o le suauu penisini, kiso ma le kalasini ile tatou atunuu pei ona sau ai ile masina o Aperila mo le masina lenei o Me.
Ole tau ole suauu i nisi atunuu ole Pasefika, pei o Niusila, Ausetalia ma Fiti, mo le masina lenei o Me, i faamaumauga mai le Matagaluega o Tupe i lana pepa o faamatalaga, o aliali mai ai le taugofie atu o le suauu i Samoa, nai lo tatou tua’oi, pei o Niusila , Ausetalia ma Fiti.
