22 Ianuari 2025 Samoa: Na filemu le taunuuga o le fono faamauina a le Palemene, o lana ulua’i feiloaiga o lenei tausaga galue, ile aso Lua, 21 Ianuari 2025.
E le’i tupu se vevesi pei ona iai masaloga o le tele o tagatanuu, i Samoa nei ma atunuu e mamao.
Ma saunoa ai le tamaitai tatalo o mafutaga tatalo a Samoa ile lalolagi, ole alofa o le Atua ia Samoa e ma’eu, ma mata’utia le faamaoni.
Saunoa Geo Fuimaono, o talosaga tuufaatasi ia o loo latou faia pea, o le filemu, ole agaga ole agaga ole Atua i luga o Samoa, ae puipuiga o lana faigamalo ma ona tagata.
Lea na vaaia ai le molimau ola ile taunuuga o lana palemene ananafi.
O molimau mai le tina ia Leulua’ialii Tumanuvao i Ausetalia, e le na’o ia na tagi ananafi ile taunuuga o le fono.
O ana uo ma tagata sa ia talanoa iai ina ua uma ane le fono, a le palemene, ole latou foi lena tala, o le fetagisi i loimata o le faafetai ma le olioli ile talimana’o a le Atua Soifua i talosaga molia sa faia ina ua maua tala ile gasegase a malo o Samoa.
Na saunoa foi le Peretene o le Asosi o tusitala a Samoa, afioga Lagi Keresoma, i lana ia foi maitau iai ananafi, i foliga vaaia o faamatalaga ma saunoaga e le gata o totonu ole fono ae o fafo mai, sa lagona ai foi , lona faafetaia o Ieova le Atua i lona faamaoni, ma le filemu ole taunuuga ole feiloaiga a le Palemene muamua o le 2025.
Ma e toe feiloai ai ile taeao nei, mo ana mataupu faatulaga ole aso.