E le’o mafai lava ona toe faataga se tagata malaga tafao mai Amerika Samoa poo atunuu i fafo atu e ui mai Tutuila ona tulaueleele i Samoa
Vagana ai tagata nuu Samoa e nofo mau inei ma tagata faigaluega moomia i Samoa, faapea visa faamaonia ma togafitiga faasoifua malolina ua faamaonia atu i Samoa, o lo’o faataga ona malaga mai Tutuila ma tu laueleele i Faleolo.
Ae o isi tagata e malaga mai e le ausia aiaiga o ta’ua i luga, e toe faafoi ai lava ile malaevaalele i Tutuila.
I le pepa o faamatalaga mai le malo o Samoa ile vaiaso nei, o fautuaina ai tagata Samoa toe taliu mai ma tagata faigaluega moomia, e ao ona fesoota’i ane i le Pulega o le Matagaluega o le Soifua maloloina, tolu vaiaso muamua a’o le’i malaga mai mo faamatalaga auilili o tapenaga mo le faamoemoe
Peita’i o ole faamaonia o tagata ua totogi pasese o le mea patino lena a le malo.
Faatasi ai ma le tausia o tulafono o le puipuiga o le pipisi o le koviti 19, mo tagata uma e malaga mai le 5 tausaga i luga le matutua, e tatau ona fai tui puipui e lua o vailaau aloaia faaleva o malo.
