30 Tesema 2024, Samoa: O se taimi o le aso e iloa ai le aofai ole maau o talavou a le Ekalesia Aso fitu Misiona ile Pasefika, na maua mai ile latou koneseti faaleagaga lea na molimauina ile po anapo ile nofoaga autu o le Aso fitu i Lalovaea.
O le mafuataga lea na amata mai ile vaiaso talu ai na tatala aloaia ile aso 25, ma molimauina lana savali tele ile taulaga i Apia.
Peita’i o faafiafiaga faaleagaga ile po anapo, na iai le faamoemoe ose tupe e maua mai ai, o le’a faamealofa atu mo tagata o Vanuatu.
O le motu o Vanuatu lea na aafia ile mafuie 7.3 lona malosi ile fua mafuie, na afaina ai le laumua I Port Vila, ile aso 17 o Tesema, 2024.
E silia ile 10 tagata na maumau ai soifua, ma le 265 na manunua ma togafitia.
Na ogaoga lava aafiaga ile laumua, nofoaga lalata ane iai.
Peita’i o le koneseti faaleagaga a talavou ole Pasefika, mai atunuu Melanisia, Micronesia ma Polensia , e tai valu tausaga ma faatasia i le agaga o le fegalegalea’i, poo le fetausia’i, fealofani ma atina’e i mo aso o lumana’i ae ole puipuia mai sauaga ma fualaau faasaina.
O le aso lea e faamavae ma faamae’a ai le mafutaga ono aso a talavou Aso fitu o le Pasefika , ise feiloaiga ile lotoa i Lalovaea. O atunuu o le Pasefika o o loo auai e aofia ai Papua Niu Kini, Fiji, Tuvalu, Niue, Vanuatu, Kiribati, Amerika Samoa, Solomona, Tonga ma Samoa
