Mai le na’o le tasi le leitio ile lima ua iai ile taimi nei a le Kamupani a le Radio Polyneisa Ltd.
O le aso, 29 Setema 2022, ua atoa iai le 33 tausaga talu ona faia le tautua i lo tatou atunuu.
I se vaega ole saunoaga faapitoa a le alii pule, Mapusua Corey Keil, : o lona tama ua tuumalo ia Maposua Rudolf Keil , ia Setema 29, 1989 na ia faatuina mai ai le ulua’i Leitio FM -Radio Polynesia i Samoa. Sa amata mai ile Magik 98.1 FM, i le gagana Samoa ma le Egilisi ma faasalalau tuusa’o mai lava i Afiamalu.
Ae 33 tausaga mulimuli ane, ua lima leitio, i lalo o le faamalu a le Radio Polynesia: e aofia ai le:
Magik 98.1 / 89.5 ma lana Top 40, ma pese mo le au talavou, ma pese fou ua a’e mai.
Talofa FM 88.5/99.9/91.5 – o le matua lauiloa lava i le tatou atunuu, i soo se taimi lava i samoa nei ma atunuu mamao, pese a le Golden Aliis, Punialavaa, Tiamaa, Five Starts, Jerome Grey, Penina Tiafau, ma le tele o fatuga suifefiloi .
K-Lite FM 101.1 –, o Pese tuai poo aso la, ma fatuga a Sir Jon Howard, Elvis Presley, Doris Day , Frank Senatra ma isi.
Star FM – Mo latou e fiafia i musika o le 70s, 80s, 90’s male 2,000. Malo FM 105.3 – Lea ua toe faaopopo iai, mo fatuaga a tatou tagata talavou, ma le au talenia ile Pese i Samoa ma atumotu ole Pasefika.
O suiga ua iai ma le agai i luga o fesootaiga faaona po nei, o lesi lena malosiaga ole Leitio Polensia ua iai nei, e le gata ina ola ai leitio o tulimanu o Samoa, ae ua faasalalau sa’o lava foi i luga o interneti ma lagona ai itu uma o le kelope, Ole tatou website, radio Polynesiasamoa.com , faitau a faalogologo fua ai i Tala Fou.
Ua iai foi le Radio Polynesia app, e download i lau telefoni. Ua umi le tatou mafutaga, e viia ai le Atua, i le faamalosi’au, ole faananauga ma le malosi e faaauau ai le tautua mo tatou paaga uma i Samoa nei ma atunuu mamao.
Ile saunoaga lava lea a Mapusua Corey, ua ia faafetaia ai foi le lagolago a kamupani mo le Leitio Polensia i lenei 33 tausaga, faapena foi ile au faafogafoga ile ki mai pea a tou leitio, o le tatou vaa lava lenei e fautele.
Na ia faafetaia foi lana aufaigaluega, mai lava i le au faasaalau, ma le Pulega, ia mautinoa e atoa le tatua a le Radio Polynesia, 24 itula i le aso.
Ia faamanuia atu le Atua.
