A’o taoto ai pea i le falemaliu ole Tupua Tamasese Meaole Motootua, le tino maliu ose tina talavou, ua maliu ai ma lana pepe i lona manava (tulou), ma taofia ai e leoleo lona to’alua i tuuaiga o le faaoolima,
Ae ua toe molia ai nei foi e leoleo ile faaoolima , lesi foi tane ile faaoolima i lona ia foi to’alua a’o ma’itaga. O le faaoogalima lea ale tama ua molia i lona to’alua na tupu i le aso Tina, pei ona lipotia mai e leoleo.
Peita’i o saunoa le Sui Komesina o le matagaluega o leoleo ma Falepuipui, e ono iai nisi moliaga faaopopo o lea alii. Ole ASo Sa o tina lea na avane ai e leoleo mai Toamua le tama o tuuaia.
Ae o loo tuuaia i le faaoolima i le tina i luma o lana fanau. Ma ua tuu atu i le vaiaso fou e tula’i ai e tali i lona moliaga, ile faamasinoga.
Ma faamanatu iai e le sui Komesina, o le faaoolima e faatupulaia ai le vevesi i totonu o aiga. E, le’o se tali o faafitauli le faaoolima.
Na ia fautua foi, e ao ona mafaufau muamua a’o lei tupu se vevesi ma savali ese ma le faaletonu.
O lenei vaitaimi ua le’o toe tuumamaina lava e leoleo sauaga mai totonu o aiga, aemaise o mataupu o loo sauaina ai tina, ae o isi foi taimi e sauaina foi tama.
