E iai le faalapotopotoga o Matua Samoa, ua faaigoa o le Team Samoa Freedom (TSF) ua tapena atu e ave le tagi faasaga i le malo tauala atu i le NEOC ma lona Pulega.
Ole faalapotopotoga lea, o loo taulamua ai matua e tele o latou silafia i mea tau vailaau ma tomai faaonaponei, mole soifua maloloina ole tino.
Faatasi ai ma matua e le’i faia ni o latou tui ma tui a latou fanau, ae o loo feoa’i faatasi lava ma tagata ua pisia ile siama, e le’o afaina.
Ole vaiaso nei ua toe tusi atu ai foi le Team Samoa Freedom, ile Malo, faauala atu ile NEOC , ma kopi ai le afioga i le Palemia, ma le Ofisa o Sulufaiga.
faatatau i popolega ole tui puipui o le koviti ua faamalosia ai matua e tui a latou fanau, ina ia mafai ona o i a’oga.
Talu ai o lea ua faasolo atu le faiga tuiga a o fanau i aoga ma tele ina faasopolia mai aoga i tulaga lua, ae ole popolega o le Team Samoa Freedom poo matua nei, pei ona agia ile latou tusi, ua i ai le tatou kopi, ona o aafiaga o fanau laiti mai le mata’utia ole tui puipui ole koviti ae le’o iai se silafia o le tele o matua.
Ua latou faapipii atu i le latou tusi ile malo faaualaa atu i le NEOC ma lona sui taitaifono, Agafili Shem Leo, faamaumauga faasaienitisi ma mau maumaututu e lagolago ai la latou talosaga poo se tuualalo foi ile malo, e toe taga’i ile fai faamalosi o tui o fanau, ina ia mafai ai ona talia e aoga.
Oe aso 30 ole masina o Me na tusi muamua atu ai le Team Samoa Freedom ile NEOC, ona o popolega lava ile ta tui o fanau.
Ole latou fautuaga, ona o le tatui o tamaiti i vailaau o loo faia pea iai suesuega poo faataitaiga,
Ua le tusa ai ma le Helsinki Declaration, poo le ta’utinoga lea a le Asosi o Faafomai a le Lalolagi, World Medical Association e malamalama iai foma’i o loo i totonu o le Komiti a le NEOC.
Ma ole faaaoga ai ile auala faamalosi ole tui, lea i tamaiti, ua solia ai faiga faavae a le faalapotopotoga.
Ua tusi atu foi le Children’s health defense, poo le CHD, FDA ua iai le tatou kopi, e lapataia ai le faia ose tagi faaletulafono pe’afai latou te faaauau ai pea ona soli o le ta’utinoga.
O faamaumauga e lagolagoina ai na tusi, o loo sipela atu ai, aafiaga o tamaiti ile tui.
O tuuaia ai e le tusi a le Team Samoa Freed le NEOC, e le’o faia lona tiute talafeagai ai ole faailoa i le malo, ma lo ma matua, le tulaga o iai le tui lea mo tamaiti . in good faith.
O loo malaga faalemalo le taitai o le NEOC AGafili Shem Leo, ina ua tatou fesiligia le ofisa pe ua oo atu le tusi a le Team Samoa Freedom, o le tali a Nanai o loo sui tulaga ia Agafili, “Na maua le tusi lona lua, e leai se tagata na saini mai ai, ole process a le malo, e mafai ona tali , ae leiloa poo ai e ave iai, pau le mea fai o le refer i leoleo.”
I tatou sailiga na maua ai, o le Susuga a Edwin Tamasese lesi o matua ole Team Samoa freedom. Ma ua toe momoli atu ai kopi saini o le tusi i ofisa pei ona tatou ta’ua i luga. NEOC, Palemia ma le Ofisa o Sulufaiga.
