O loo faaauau lava le saini a le tina ia Perkin Feafiai Headle ile ofisa o leoleo i Faleolo faatasi ile vaiaso, i aso Faraile.
Ma o loo taofia foi ona pepa malaga.
Talu moliaga a leoleo faasaga ile tina talavou lea e nofo mau i Amerika. Ae ua molia e leoleo i lona faatino oni faamatalaga faalumaluma e ta’uleagina ai ni totino o le vaega faapufai a le FAST.
Ole tagi na faaulu e le Failatusi aoao a le FAST, Vaaaoao Salu Alofipo.
Ma valaau ai ile faamasinoga i le vaiaso nei, peita’i e lei mae’a tapenaga a leoleo ma latou toe talosaga ai ile faamasinoga e avatu ni vaiaso se lua.
Ae na teena e le loia o tula’i mo le tina ia Feagia’i , le susuga Faimalomatumua Mathew Lemisio.
Ua lava le vaiaso e tasi. I faamaumauga o le masina talu ai na faaulu ai le tagi a le failautusi a le FAST i leoleo
Ma faia ai moliaga e 25, ma faapea ai e ono toe iai nisi moliaga faaopopo o le tina.
Ua tuu atu ai nei e le faamasinoga le avanoa i leoleo mo lesi vaiaso e tapena atu ai a latou moliaga.
Ma toe valaau ai le mataupu lea i le Aso Lua o le vaiaso fou.
