O le afioga i le Palemia Fiame Naomi Mataafa le saunoaga mulimuli o le mataupu faatalanoa i le Maota fono o Samoa. Faatatau lea i le faaiuga a le Komiti o amioaga taupulea o le Maota. ia faasala faipule e to’alua ole HRPP mo le 24 masina.
E afa ane i le tolu i le afiafi o saunoa le afioga i le Palemia i le mataupu lenei, o le faatonutonu o amio taualoa, sa faapea le afioga i le Palemia, “o le avanoa lelei lenei e fale ai, o le mataupu lenei e fitoi tonu ia tatou o faipule.”
O ai e faatonuina, ua tatou nonofo ai , o tatou.
A le mafai ona manino ala vaa , o tatou iai i le maota o Samoa, ma ave tutusa se tulaga taualoa o le palemene, ma nofoa o le Palemene, ona ou manatu lea o a uma isi galuega e fai, ae a le taoto i le agatonu le mea lea, e ono fesiligia poo fea o taatia ai le fai tofa ma le fai uta a faipule filia o le atunuu.
Ese lo’u taofai faataitai o le vaega faaupufai , afai ua tasi le finagalo i le HRPP, ua tasi outou ole tou aia tatau lea.”
“Ae oute fia faalogo poo fea o taatia ai le tofa a le maota lenei, ae maua so’u avanoa mulimuli ane. Ou te tuuina atu le avanoa i le faipule lava ia, ae o le finagalo o lona itumalo.”
Peita’i tusa o le 3:30pm ae faamavae ane le HRPP, ua uma latou tala.
Ma tula’i ai loa le faipule mai Vaisgano 1, Niu’ava Eti Malolo, ma ia saunoa : “o mataupu e tatau ona fai iai se lagona o le itumalo, o le pule a Vaisigano, o le pule e tausia le filemu.
Ae faafetai ile afioga i le Fofoga Fetalai. ose mataupu e atagia ai le nofo lelei o le tafatolu, e tatou te faatauagai i le faaiuga a le famasinoga 30 o Aukuso. na pasia e le Palemene le faaiuga a le komiti, 24 o Me na faamaonia ai e le Palemene moliaga faalemigao i le Palemene, o sui usufono ma amioga taualoa ma aloaia.
Sa pasia ai e le Palemene lenei e faamalolo le tumau se ia iai se aso. O le faaiuga, o le faaiuga a le Palemene atoa lenei, e le na’o se faaiuga, a le Fofoga fetalai,
E le na’o se faaiuga a le FAST, ua aofia uma usufono o le Palemene. ” Ona o loo faapea mai o lo la’ua lea aia tatau e tusa ai ma le tulafono faavae.
Faaiuga maualuga, o faapea mai, sa latou lagolagoina le faaiuga a le Palemene, aemaise ia le faamaoniga o le faalemigao i le Palemene, aua o lea ua faaalia manino e le faamasinoga”
O le manatu o lenei itumalo: ou te faafetai ua mulimulita’i i le taiala, ua fofoga le Palemene ma Samoa, Talofa e, e le tau faailoa o la sao ile Palemene.
Saunoa faaauau le faipule o Vaisigao: “e ui e faigata , ae ua lua masani i le sou o le vasa. Na afua lenei mataupu ole ulua’i taimi ua tula’i mai ai se mea faapea i le palemene, talu ona oo mai, e le tatau ona faatemutemu ai le Palemene.
Tatou omai i le Palemene lenei e saili faatini mea uma.
Tatou te lei omai e fai ni amio le taupulea ma le migao. Sa tatou omai e fau tulafono e lima taitaiina ai Samoa.
O tatou o sui filia o itumalo e fai le tulafono e manuia ai Samoa.
E le’o se feau lelei mo tatou tagata le tau solomua i taitai ona soli tulafono, Ole faaiuga nei e tautala taeao, ‘aua tatou te tuufauina le sese e alu loa, aua le nanaina le mataga i le pogisa.
Tautalaaso le igoa ipu a le tamaloa o le itulagi lea. Ma faauma ai le saunoaga a le afioga i le faipule Niuava, “E lagolago le lipoti a le komiti” ole faasalaga 24 masina mo le Taitai ma le Failautusi o le HRPP.
