E manatua pea le sao ole afioga Lei’ataua Lesa Naseri o Manono i aiga ile tai, o lesi lea kapeteni lauiloa i ona foi taimi ile taalo malo ma le tausaafia, tauagafau, i taimi o tuuga vaa ole tutoatasi o Samoa.
Sa ia kapetenia le Telefoni ole vainuu, o lona sao ile faalauiloaina o Manono uta ma Manono tai.
O Manono tai, e le gata ina lauiloa i faagaa mea ile tai, ae o lana tapu ua faitau tausaga, le faasa ai o ta’ifau ile motu.
E ui ole faasa o ta’ifau i Manono tai,
Peita’i ua avea le faafitauli o meaituaoloa taaloa, puaa aivao, ma mafuaaga o le toe vaaia ai o ta’ifau ile motu.
Ole masina talu ai na alu ai foi tuliga i ta’ifau na avatu ise tasi o nuu o Upolu, uma toe faafo’i, ae tumau lava le mamalu o tapu a le afioaga.
O tuliga ale motu o Manono, o molimauina e le tatou paaga, ole meaituaolo lava e taaloa, e tuli uma lava, ma avane faavai ae tufa i aiga ole nuu.
O Manono tai, i ona pitonuu o Faleu, Lepuia’i, Hapai ma Salua o loo faaaoga lava alia e feoa’i ai mai le motu autu o Upolu i Maono, ile $5tala le pasese.
Taimi nei e faitau selau tagata ole itumalo o Aiga ile tai o loo faamautu ai ile motu.
Ae o le tuua ai ole malo ese tasi foi o toa o Manono, i fa’aga mea ile tai, o le ‘a manatua pea I lona ia foi sao ile faalauiloaina ole motu.
