Ua tuua ai ma le saogalemu Isaraelu, ele vaega mulimuli o tagatanuu Samoa mai Ierusalema, mo Dubai, ile aso Lua ole vaiaso nei 17 Oketopa ile faalauiloa a le Matagaluega o le va i fafo a Samoa.
E toa 13 Samoa na aveesea mai e le vaalele a le malo o Ausetalia, ma faatasi atu ma lesi toa valu o le latou vaega na aveese mai e le si vaalele a Ausetalia ile aso 15 o Oketopa
Ma toe faasolosolo mai ai a latou faigamalaga ui mai Sigapoa, Fiti i Samoa, ma taunuu mai i Samoa ile aso Faraile nei, 20 Oketopa.
Ole vaega lea e aofia ai le pepe, tasi le tagata aoga, ma le toatele oi latou o au Kerisiano na auai atu i Ierusalema ile fono tatala, e masani ai lava ai lava ia Oketopa. Ma faafetaia ai e le Ofisa ole Va i fafo , Ausetalia, ile fesoasoani a le latou ofisa i Apia, Cabberra, ma Isaraelu, na tapenaina le aveesea saogalemu mai o tagata Samoa, ao faatetela ai fetauaiga i le va o Isaraelu ma tagata Palesitina.
Faafetaia foi le lagolago a le malo o Niusila, i fautuaga, ma avanoa o vaalele, e ui ina misi avanoa.
Faafetaia foi le sao o leoleo a le UN, Vincent Schmidt, ma le latou vaega, ile sailia o tagata Samoa, i totonu o Ierusalema, e sauni mo le aveesea vave mai o latou.
E faafetaia foi le misiona a Samoa i Canberra, Tokyo, brussels ma Dubai, ile sootaga i faamatalaga, e faamalosi i tagata Samoa, sai Isalaelu a’o tapena le o ese mai.
