O le toe faitio ai o lesi itumalo o Savaii i lesi itumalo mai lava ile motu lea faato’a silafia ai e le atunuu lautele ile fonotaga a le Palemene ole Aso Gafua 21 o Iuni.
Ina faasilasila ai faalautaitele e le Fofoga fetalai o le Maota, Li’o Papalii Ta’eu Masepau, ole tusi na ia faalilolilo a’o faia iai lana suesuega, ole faitioga mai le faipule o Gagaifomauga 1 Faimalotoa Kika Stowers, faasaga i le faipule o Gagaiofmauga 3, Laaulialemalietoa Polataivao Leuatea Polataivao Fosi Schmidt.
Na tuuaia ai le faipule i le solia o amioga tau pulea ole maota.
Peita’i ile faaiuga a le fofoga fetalai, e le’o iai se faamaoniga o solia e le faipule se tulafono o amioga taupulea ole maota. ma o le’a ia faia se faamatalaga e faamalamalama lelei ai le alu i luma o na mataupu ile lumana’i.
