6 Ianuari 2025, Samoa: O le ogaoga o aafiaga o le tagata ile ‘ava malosi lea o loo atagia mai ile mafuaaga ole faaoogalima i Vaimoso ile amataga ole vaiaso, ma maliu ai se tama 63 tausaga le matua sa taumafai e vaovao ma faafilemu.
O le feeseeseaiga pei ona ta’u e le komesina o leoleo Auapaau Logotitino Filipo ile tusitala , Shalveen Chand ole Observer, ole tama lea na alu atu e vaovao ona atalii ma ona tei, e aofia ai ma le alii talavou lea e 20 tausaga, ae afaina ai.
O tuuaia ai lona tei 20 tausaga ile faaletonu, ma molia ai e leoleo ile fasioti tagata.
O taua foi e le komesina i le lipoti lava lea, e le’i ‘o-na le tama 63 tausaga faatusa i isi tagata na aafia ile feeseesea’iga.
Tausaga ua tuana’i na vavao mai ai e le faamasinoga le toe faatauina ole tasi fagumalosi na faamauina o le sa afua ai le tele o feeseeseaiga na taunuu atu ile faamaisnoga.
I taimi o aso malolo na talanoa ai le alii fai pisinisi, Susuga a Lauafia Moananu i Tapatapao, o ia e fai lona faleoloa, ae o le fili lava e lu’i ai ia ile faatau o le pia, o tagata e manana’o e faatau le pia ile Aso Sa, ae na te faailoa faafia iai le tulafono, e sa le faatau pia ile Sapati.
Ma sa filemu lava lo latou pito nuu ile taimi o aso malolo.
Ole aso 3 o Fepuari ua atofa e tula’i ai ile faamasinoga le atalii 20 tausaga o molia ile maliu o lona uncle i Vaimoso.
