Ua faamaonia faa-faasalaga i le taufaasesê, (convicted frauster) o se Tinã Samoa i lona faaogaina o se pepa malaga le sa’o, (fraudulent travel identity) e ulufale ma nofo ai i Niu Sila i le 30 tausaga, e le faamasinoga maualalo a Niu Sila (Tribunal).
I le iloiloga o lenei mataupu, na toe tuuavanoa, ma poloaiga ai e le Faamasinoga maualalo a Niu Sila, le toe ave ai o le avanoa i lenei Tinã Samoa, e nofo mau ai i totonu o Niu Sila.
O lenei Tinã ua 51 tausaga o lona soifua, ma na fanau i Samoa. I le tausaga, tasi le afe, iva selau ma le tasi (1991), na ia tau’ave se pepa faamaonia sese e iloagofie ai, o ia o se tasi o sona aiga e avea ma tagata nuu Tokelau, (assumed identity of a Tokelauan National, of a family member) ma ia faaoga ai le Tusifolau a se tasi o lona tau aiga, e malaga atu ai i Niu Sila, ma aumau faa solitulafono ai i totonu o le 30 tausaga.
O le atu Tokelau o loo i lalo o taupulega a le malo o Niu Sila, o i latou e omai le teritori, (Tokelau) oni tagata sitiseni na faananau ai, ma mafai ona umia Tusi Folau Niu Sila.
Talu ai puipuiga faa le tulafono mai le faamasinoga, e le o.mafai ona faalauiloa faalauaitele le suafa ma le alalafaga o lenei Tinã.