Ua talia ai e lana afioga ile Ao mamalu ole malo tutoatasi o Samoa, afioga, Tuimalealiifano Vaaletoa Sualauvi ll, tusi tofiga ole sui ole malo o Cyprus Republic, High Commissioner, Mr Antonis Saininoutis.
O Cyprus, ose motu tele ma le tele o ona tagata, ile atu Mediterranean, e i sasa’e o Eleni, matu o Aikupito, saute o Turkey sisifo o Lepanona ma Sulia.
Tusa ma le 888,000 tagata e nonofo ai.
Ole sauniga puupuu e talia ai tofiga ole sui o lea atunuu, na faia ile ofisa ole Ao ole Malo i Vailele ile vaiaso nei, ae alala ile laumua o Ausetalia, Canberra.
Ole fa ai lenei o tausaga talu ona faia lea sootaga ile va o malo e lua.
O saunoaga, ua faamautu ma faaauau ai le galulue feeoeoa’i o malo, e sootaga i malo aufaatasi, ma malo ole taupulega, ae ole ACP-PEU i mataupu faatemokalasi, tulafono faavaomalo, ole filemu ma le saogalemu, ae ole unaia o aia tatau a tagata mo le faatumauina o atina’e fai.
